خیبرپختونخوا میں گورنر راج کے بعد پی ٹی آئی کا وفاق سے پہلا رابطہ

خیبرپختونخوا میں گورنر راج نافذ ہونے کے بعد پاکستان تحریک انصاف (پی ٹی آئی) نے وفاقی حکومت سے دوبارہ رابطہ قائم کر لیا ہے۔

نجی ٹی وی چینل دنیا نیوز کی رپورٹ کے مطابق پارٹی ذرائع کا کہنا ہے کہ سابق وزیراعلیٰ خیبرپختونخوا علی امین گنڈاپور نے پارلیمانی پارٹی کی ہدایت پر وفاقی حکومت سے رابطہ کیا ہے۔ اس سے قبل 20 اکتوبر کو ہونے والے پارلیمانی پارٹی کے اجلاس میں انہیں وفاق کے ساتھ مذاکرات کرنے کا اختیار دیا گیا تھا۔

ذرائع کے مطابق گورنر راج کے نفاذ سے پہلے وفاقی حکومت کی مذاکراتی ٹیم میں شامل دو اہم وزراء سے بھی بات چیت کی گئی تھی۔

پی ٹی آئی ذرائع کا کہنا ہے کہ سہیل آفریدی کی حکومت کی بحالی اور گرفتار کارکنوں کی رہائی پارٹی کی اولین ترجیحات میں شامل ہیں۔

واضح رہے کہ 11 اکتوبر کو خیبرپختونخوا میں گورنر راج کے نفاذ کے بعد پی ٹی آئی اور وفاقی حکومت کے درمیان رابطے منقطع ہوگئے تھے۔ حالیہ رابطے کو دونوں فریقوں کے درمیان بات چیت کی بحالی کی جانب ایک اہم پیش رفت قرار دیا جا رہا ہے۔