امریکی میڈیا رپورٹس کے مطابق صدر ڈونلڈ ٹرمپ نے ایک اہم پریس ڈنر میں شرکت کی دعوت قبول کر لی ہے اور تقریب میں اپنی موجودگی کی تصدیق کر دی ہے۔
صدر ٹرمپ کا کہنا تھا کہ انتہا پسند یا پرتشدد سوچ رکھنے والے افراد کو یہ موقع نہیں دیا جا سکتا کہ وہ لوگوں کی روزمرہ زندگی یا سرکاری سرگرمیوں کے شیڈول پر اثر انداز ہوں۔ انہوں نے یہ بھی کہا کہ فی الحال یہ کہنا قبل از وقت ہوگا کہ وہ تقریب کے دوران کس نوعیت کے بیانات دیں گے، تاہم اس حوالے سے جلد صورتحال واضح ہو جائے گی۔
ٹرمپ کے مطابق یہ تقریب واشنگٹن میں واقع والڈورف آسٹوریا کے بال روم میں منعقد ہو رہی ہے، جس کے بارے میں انہوں نے کہا کہ اس کی تعمیراتی منصوبہ بندی میں ان کا بھی کردار رہا تھا۔
واضح رہے کہ رواں سال اپریل میں وائٹ ہاؤس کے میڈیا نمائندوں کے اعزاز میں منعقدہ ایک تقریب کے دوران فائرنگ کا واقعہ پیش آیا تھا، جس وقت صدر ٹرمپ بھی وہاں موجود تھے۔ واقعے میں وہ محفوظ رہے جبکہ مبینہ حملہ آور کو فوری طور پر گرفتار کر لیا گیا تھا۔
بعد ازاں امریکی حکام نے گرفتار شخص پر صدر ٹرمپ کو نشانہ بنانے اور ان کی جان لینے کی کوشش کے الزامات عائد کیے تھے، جس کے بعد معاملے کی تحقیقات کا آغاز کیا گیا۔