ایم ڈی کیٹ رجسٹریشن کی آخری تاریخ میں توسیع کر دی گئی ۔ پی ایم ڈی سی

پاکستان میڈیکل اینڈ ڈینٹل کونسل (پی ایم ڈی سی) نے ایم ڈی کیٹ (MDCAT) میں داخلے کے خواہشمند طلبہ کے لیے رجسٹریشن کی مدت میں توسیع کا اعلان کر دیا ہے۔

پی ایم ڈی سی کے جاری کردہ اعلامیے کے مطابق امیدوار اب معمول کی رجسٹریشن فیس کے ساتھ 13 جولائی تک اپنی درخواست جمع کرا سکتے ہیں۔

کونسل نے مزید بتایا کہ تاخیر سے رجسٹریشن کرانے والے طلبہ 18 جولائی تک لیٹ فیس کے ساتھ درخواست جمع کروا سکیں گے۔

پی ایم ڈی سی نے تمام امیدواروں کو ہدایت کی ہے کہ کسی بھی ممکنہ دشواری سے بچنے کے لیے اپنی رجسٹریشن مقررہ آخری تاریخ سے پہلے مکمل کر لیں۔