یومِ آزادی کے موقع پر بینک اور مالیاتی ادارے 14 سے 16 اگست تک تین روز بند رہیں گے

اسٹیٹ بینک آف پاکستان کی جانب سے جاری کردہ سرکلر کے مطابق ملک بھر میں اسٹیٹ بینک، کمرشل بینک، اسٹاک ایکسچینج اور دیگر مالیاتی ادارے 14، 15 اور 16 اگست کو بند رہیں گے۔

اعلامیے کے مطابق جمعہ 14 اگست کو یومِ آزادی کے سلسلے میں عام تعطیل ہوگی، جبکہ ہفتہ اور اتوار کو معمول کے ہفتہ وار تعطیلات کے باعث بینکنگ اور مالیاتی سرگرمیاں معطل رہیں گی۔

اسٹیٹ بینک کے مطابق تعطیلات کے دوران صارفین کے لیے اے ٹی ایمز اور آن لائن بینکنگ کی سہولیات دستیاب رہیں گی، تاہم بعض بینکنگ خدمات کے معمول کے اوقات متاثر ہو سکتے ہیں۔