آئی سی سی پلیئر آف دی منتھ کے لیے تین کھلاڑی نامزد

انٹرنیشنل کرکٹ کونسل (آئی سی سی) نے اگست کے پلیئر آف دی منتھ ایوارڈ کے لیے تین کھلاڑیوں کو نامزد کردیا ہے۔

ایوارڈ کے لیے بنگلہ دیش کے حسن محمود، انگلینڈ کے اولی رابنسن اور سری لنکا کے سونل دنوشا کو شارٹ لسٹ کیا گیا ہے۔

سری لنکا کے سونل دنوشا نے اگست میں بھارت کے خلاف کھیلے گئے دو ٹیسٹ میچز میں نمایاں کارکردگی دکھائی اور مجموعی طور پر 420 رنز اسکور کیے۔

انگلینڈ کے فاسٹ بولر اولی رابنسن نے پاکستان کے خلاف سیریز کے پہلے اور دوسرے ٹیسٹ میں مؤثر بولنگ کرتے ہوئے دونوں میچز میں 8، 8 وکٹیں حاصل کیں۔

بنگلہ دیش کے حسن محمود نے آسٹریلیا کے خلاف ڈارون ٹیسٹ میں اپنی بولنگ سے نمایاں کارکردگی کا مظاہرہ کیا۔ انہوں نے میچ کی پہلی اننگز میں 6 وکٹیں جبکہ دوسری اننگز میں 3 وکٹیں حاصل کیں۔

آئی سی سی پلیئر آف دی منتھ کا اگست کا ایوارڈ ان تینوں نامزد کھلاڑیوں میں سے کسی ایک کو دیا جائے گا۔