غزہ کے علاقے الزیتون میں اسرائیلی ڈرون حملے کے نتیجے میں مزید تین فلسطینی جاں بحق

غزہ کے علاقے الزیتون میں اسرائیلی ڈرون حملے کے نتیجے میں مزید تین فلسطینی جان سے ہاتھ دھو بیٹھے، جبکہ تازہ حملوں میں ہلاکتوں کی مجموعی تعداد بڑھ کر 14 ہو گئی ہے۔

عرب ذرائع ابلاغ کے مطابق الزیتون میں ہونے والے ڈرون حملے کے بعد مزید جانی نقصان کی اطلاعات موصول ہوئی ہیں۔ اس واقعے کے بعد گزشتہ 24 گھنٹوں کے دوران اسرائیلی کارروائیوں میں جاں بحق ہونے والے فلسطینیوں کی مجموعی تعداد 14 تک پہنچ گئی۔

رپورٹس کے مطابق سب سے زیادہ جانی نقصان اس وقت ہوا جب ایک جنازے کے دوران ہونے والے حملے میں آٹھ افراد مارے گئے۔ مختلف علاقوں میں امدادی کارروائیاں جاری ہیں، جبکہ زخمیوں کو طبی سہولیات فراہم کی جا رہی ہیں۔