امریکی اداکار گیان کارلواسپازیتو نے اسلام قبول کر لیا ۔ سعودی میڈیا

مشہور امریکی اداکار جیانکارلو ایسپوسیتو، جو مقبول ٹی وی سیریز Breaking Bad میں گس فرِنگ کے کردار سے عالمی شہرت حاصل کر چکے ہیں، کے بارے میں اطلاعات سامنے آئی ہیں کہ انہوں نے اسلام قبول کر لیا ہے۔

سعودی میڈیا رپورٹس کے مطابق اداکار ان دنوں ایک فلمی منصوبے کی شوٹنگ کے سلسلے میں سعودی عرب میں موجود ہیں۔ بتایا جاتا ہے کہ اسی دوران انہوں نے کلمۂ شہادت پڑھ کر اسلام قبول کیا اور بعد ازاں فلمی عملے کے بعض ارکان کے ہمراہ مسجد میں نماز بھی ادا کی۔

جیانکارلو ایسپوسیتو کا فنی سفر کئی دہائیوں پر محیط ہے اور وہ ٹیلی ویژن اور فلمی دنیا میں اپنی منفرد اداکاری کے باعث نمایاں مقام رکھتے ہیں۔ انہیں خاص طور پر Breaking Bad، Better Call Saul اور The Mandalorian میں ادا کیے گئے کرداروں کے لیے جانا جاتا ہے۔

سوشل میڈیا پر گردش کرنے والی ایک ویڈیو میں اداکار کو ایک مسجد کے اندر دیگر افراد کے ساتھ نماز میں شریک دیکھا جا سکتا ہے، جس کے بعد ان کے اسلام قبول کرنے سے متعلق خبریں مزید توجہ حاصل کر رہی ہیں۔