تامل ناڈو میں وجے تھلاپتی کا سیاسی دھماکہ، بی جے پی سمیت تمام جماعتیں پیچھے رہ گئیں
بھارت کی جنوبی ریاست تامل ناڈو میں اداکار سے سیاستدان بننے والے جوزف وجے تھلاپتی نے بڑی سیاسی کامیابی حاصل کرلی۔ ان کی جماعت نے وزیر اعظم نریندر مودی کی جماعت بی جے پی سمیت کئی بڑی جماعتوں کو پیچھے چھوڑ دیا۔
غیر سرکاری نتائج کے مطابق وجے تھلاپتی کی جماعت نے واضح برتری حاصل کی۔ اس کے بعد انہوں نے تامل ناڈو کے وزیر اعلیٰ کا منصب سنبھال لیا۔ سیاسی ماہرین اس کامیابی کو بھارتی سیاست میں بڑی تبدیلی قرار دے رہے ہیں۔
وجے تھلاپتی بھارتی فلم انڈسٹری کے مقبول اداکاروں میں شمار ہوتے ہیں۔ تاہم انہوں نے چند سال قبل سیاست میں قدم رکھا۔ ابتدا میں ان کی جماعت کو زیادہ اہمیت نہیں دی جا رہی تھی۔ لیکن نوجوان ووٹرز اور متوسط طبقے کی حمایت نے سیاسی صورتحال بدل دی۔
انتخابی مہم کے دوران انہوں نے روزگار، تعلیم اور مہنگائی جیسے مسائل پر توجہ دی۔ اس کے علاوہ عوامی فلاح کے منصوبوں کو بھی اپنی سیاست کا اہم حصہ بنایا۔ یہی وجہ ہے کہ انہیں شہری اور دیہی علاقوں میں بھرپور حمایت ملی۔
دوسری جانب بی جے پی اور دیگر جماعتیں اس نتیجے کے بعد نئی حکمت عملی تیار کرنے میں مصروف ہیں۔ ادھر سیاسی مبصرین کا کہنا ہے کہ وجے تھلاپتی کی کامیابی مستقبل کی بھارتی سیاست پر گہرے اثرات ڈال سکتی ہے۔